Өз өндірісін іске қосуға дайындық аясында Acton Flow компаниясы ауқымды жөндеу-құрылыс жұмыстарын жүргізді. Бірнеше айдың ішінде жалпы ауданы 2500 ш.м. болатын өндірістік цехті жаңғырту бойынша үлкен жұмыс атқарылды.

Өндірістік цех дайын

Атқарылған жұмыстардың нәтижесінде цех толықтай пайдалануға беруге және өнім шығаруды бастауға дайын. Біз жаңа токарлық станоктар алдық, олардың екеуі қазір пусконаладка кезеңінде, ал қалғандары іске қосуға дайын.

Ресми ашылу – қыркүйекте

Өндірістің ресми іске қосылуы 2025 жылдың қыркүйегінде өтеді. Бұл оқиға компанияның дамуы үшін маңызды қадам болып, арматура өндірісі саласындағы мүмкіндіктерімізді едәуір кеңейтеді.

Қызметкерлер үшін жағдай

Acton Flow қызметкерлері үшін заманауи кеңсе дайындалды, ол қолайлы жұмыс жағдайын және тиімді командалық өзара әрекеттесуді қамтамасыз етеді.

Алдағы жоспарлар

Қазіргі уақытта біз өнім сапасы мен сенімділігін растайтын қажетті сертификаттарды алуға дайындық жүргізіп жатырмыз.

Алғыс

Жобаны қолдаған барлық серіктестерімізге, әріптестерімізге және ниеттестерімізге зор алғысымызды білдіреміз!